பரணி மைந்தன்

          திருக்கார்த்திகை என்று சொல்லப்படும் திருவிழா குறிப்பாக தமிழர்க்கே உரியதாகும். ஆதி காலத்து தமிழர்களான மலையாள மக்களும் இந்த திருநாளை வெகு சிறப்பொடு கொண்டாடுகின்றனர். கார்த்திகை மாதத்து முழுநிலவும் கார்த்திகை நாள்மீனும் சேர்ந்து வரும் நாளாகும்.இந்தியாவெங்கும் தீபாவளி அன்று விளக்கீடு செய்வது வழக்கம். ஆனால் தமிழகம் மற்றும் கேரளத்தில் மட்டும் திருக்கார்த்திகை தினத்தன்று விளக்கீடு செய்யப்படுவது வழக்கமாக உள்ளது.     இத்திருநாளுக்கு சங்க காலத்திலிருந்தே கொண்டாடப்பட்டதற்கான சான்று உள்ளது. பின்வரும் பாடல்கள் மூலமாக அறியலாம். வீரை வேண்மான் வெளியன் தித்தன்  முரசுமுதல் கொளீஇய மாலை விளக்கின்  வெண்கோடு இயம்ப, நுண்பனி அரும்பக் கையற வந்த பொழுது – நற்றிணை 58 கார்த்திகை காதில் கனமகர குண்டலம்போல் சீர்த்து விளங்கித் திருப்பூத்தல் – பரிபாடல் திரட்டு 10        வீடெங்கும் விளக்கேற்றி மழைக்காலம் முடிவத்தையும் பனிக்காலத்தையும் வரவேற்குமுகமாக கொண்டாடப்படுகிறது.         ...

திருநெல்வேலி மாவட்டத்தில் திருநெல்வேலி, தென்காசி, அம்பாசமுத்திரம், சங்கரன்கோவில், சேர்மாதேவி, கல்லிடைக்குறிச்சி, புளியங்குடி, கீழப்பாவூர், வீரவநல்லூர், புளியரை, வீ.கே.புரம், தூத்துக்குடி மாவட்டத்தின் கோவில்பட்டி, எட்டயபுரம், திருச்செந்தூர், தூத்துக்குடி,ஏரல், ஆத்தூர் மற்றும் கன்னியாகுமரி மாவட்டத்தின் நாகர்கோயில்,சுசீந்திரம்,பூதப்பாண்டி, தோவாளை, வடசேரி  ஆகிய பகுதிகளில் ஒவ்வொருவரையும் அவரவர் வீட்டுக்கென உள்ள பட்டப் பெயரைச் சொல்லி அடையாளம் காணும் வழக்கம் இன்றளவும் உள்ளது. ஒவ்வொரு குடும்பத்தினருக்கும் அவர்களின் மூதாதையர்களின் காலத்திலே இந்தப் பெயர் சூட்டப்பட்டு வழக்கத்தில் இருந்து வருகிறது. சங்கரன்கோவில், அம்பை பகுதிகளில் வழங்கும் சில வீடுகளின் பட்டப்பெயர்கள் இதோ *தரான் வீடு- தரகர் தொழில் பார்த்தமையால் *ஆனந்தாய் வீடு - அப்பெயரிலான அம்மனை தெய்வமாய்க் கொண்டமையால் * கரச்சான் -கேப்பையைக் கரைத்து கூழாக்கி தானம் வழங்கியமையால் * ராந்தல்கல் - அந்த காலத்தில் ராந்தல் என்பது விளக் கேற்றும் கல்லை( தற்போதைய தெருவிளக்கு போன்றது) நிர்வகித்தவர்கள் இது போன்று மட்டுமல்லாமல் வித்த...

                அது என்னவோ தெரியவில்லை ....எனக்குள்ள எப்போதுமே ஒன்று என்னை தூண்டிக் கொண்டே இருக்கிறது எங்கயாச்சும் போகணும் போகணும் அப்டினு.                சரினு முடிவு பண்ணி ஒரு இடத்துக்கு போலாம்னு திட்டம் போட்டேன். எப்போ பார்த்தாலும் பஸ்லயோ இல்லனா ரயிலயோ தான போறோம், இந்த தடவ புதுசா ஏதாச்சும் முயற்சி  பண்ணலாமேன்னு மிதிவண்டில - அதம்யா சைக்கிள்ல போகலாம்னு போன ஒரு பயணம் தான் இது...              எங்க கல்லூரி CIT ல இருந்து சைக்கிள்லேயே தமிழ்நாட்டின் எல்லையில் அமைந்துள்ள ஆனைக்கட்டி வழியா கேரள மாநிலத்தின் மன்னார்க்காடு - பாலக்காடு சென்று மீண்டும் கல்லூரிக்கே திரும்புவது தான் எங்களது பயணத்திட்டம்.            விடிந்தும் விடியாத காலை நேரம்..கோயம்புத்தூர்க் காரரர்களுக்கு பழகின மெல்லிய பனி படர்ந்த அந்தக் காலைப் பொழுதிலேயே கிளம்பலாம்னு ரெடியாயிட்டோம். என்ட்ட எங்கே சொந்தச் சைக்கிள், கடன் வாங்குனதுதான். அதகூடவும் சரியான கண்டிசன்ல இல்ல. என்னு...

      கொடைவிழா - என்றாலே தென் மாவட்டங்களில் வெகு விமரிசையாக கோவில்களில் கொண்டாடப்படுவது வழக்கம்.      பொதுவாக சைவ ( பலி பூசை இல்லாத ) கோவில்களில் கொடியேற்றி நடைபெறுவது திருவிழா என்றும் அசைவ ( பலி பூசை நடைபெறும் ) கோவில்களில் நடைபெறுவது   கொடை விழா என்றும் அழைக்கப்படுவது நெல்லை தூத்துக்குடி குமரி மாவட்டங்களில் வழக்கம்.     அப்படியான கொடை  விழாக்களில் தவறாமல் இடம்பெறுவது வில்லிசை எனப்படும்  வில்லுப்பாட்டு  (  வில்லடிச்சான் பாட்டு எனவும் அழைக்கப்படும்). அதே நேரம் சில சுடலை மாடன் கோவில்களில் கணியான் கூத்து இடம்பெறும்.     வரலாறு :  போர் முடித்து வந்த வீரர்கள் தங்களின் கையில் இருந்த வில்லை அடித்தபோது அது ஒரு விதமான ஓசை  கிளம்பியதாகாவும் அதுவே வில்லிசையாக பின்னலில் உருவானதாகவும் இலக்கியங்கள் சொல்லுகின்றன.     வில்லுப்பாட்டில் வில்லு , குடம்,  கட்டை , ஜால்ரா, உடுக்கு, வீசுகோல் முதலியவை பயன்படுத்தப்படும்.              வில்லிசை யானது...

ஊடலும் ஊடல் நிமித்தமும் .....     சங்க காலத்தில் இருந்த ஐவகை நிலப் பாகுபாட்டில் மருத நிலத்தின் உரிப்பொருள் "ஊடலும் ஊடல் நிமித்தமும் ".  தற்போதும் வழக்கத்தில் இருக்கும் ஒரு சடங்காக   இல்லையெனில் திருவிழாவின் ஒரு அங்கமாக இன்றும் இந்த உரிப்பொருளை நினைவு படுத்தும் வகையில்  ஒரு நிகழ்வை நான் கண்டதும் அதைப் பற்றி எழுத வேண்டுமென்று தோன்றியது ...அதனால் ..     ஊடல் என்பது பிணக்கிக்கொள்ளும்  ஒருவகை நடத்தைப்  பாங்கு .இது உளவியல் அடிப்படையில் தோன்றுகிறது. மேலைநாட்டு நடத்தை அறிவியல் இதனைப் பல்வேறு கோணங்களில் பகுத்தாய்கிறது.நடத்தையியல் மேலைநாடுகளில் 19 ஆம் நூற்றாண்டில் உருவானது. தமிழில் இந்த அறிவு கிறித்துவுக்கு முன்பே தோன்றி வளர்ந்துள்ளது.தொல்காப்பியர் இதனை மெய்ப்பாட்டியல் என்னும் தலைப்பின் கீழ் விளக்கியுள்ளார். உடலுறவு வாழ்க்கையில் ஊடல் இன்பம் தரும். எப்போது எனில் அந்த ஊடுதல் கூடித் தழுவுவதில் முடியவேண்டும்.   திருக்குறள்  - 'ஊடல்' பாங்கினை துனி, புலவி என்னும் சொற்களால் வேறுபடுத்திக் காட்டுகிறது. இதன் வழியே பா...

தமிழர் திருநாள், தைத்திருநாள், தைப் பொங்கல், தமிழ்ப்புத்தாண்டு என்னும் பெயர்களில் கொண்டாடப்படும் பொங்கல் பண்டிகை குறித்து  எங்கள்  பகுதிகளில் நிலவும் வழக்காறுகள் குறித்த பதிவு.... பொதுவாக  கார்த்திகை மாதம் முடிந்து மார்கழி பிறந்தவுடனே  பொங்கலுக்கான முன்னோட்ட ஏற்பாடுகள் ஆரம்பமாகிவிடும். வீட்டுக்கு வௌ்ளையடிப்பது, அத்தோடு ஒரு வருடமாக விளக்கவே செய்திராத பாத்திரங்களை (ஆலங்காலில்  இருக்கும் பித்தாளை மற்றும் செம்பு பாத்திரங்களை ) கழுவிப் பெறக்கி எடுத்து  வைப்பார்கள்.  பிறகு அடுத்த பொங்கலுக்கு தான் அவை வௌியே வரும். மார்கழித் திருவாதிரைக்கு  அப்புறம் கொஞ்கம் ஏற்பாடுகள் தீவிரமாகிவிடும்...திருவாதிரை சாமி பார்த்துவிட்டு வரும் போது கூடவே கரும்பும் வாங்கிவரும் பழக்கம் எங்க ஊரில் இன்றும் இருக்கிறது. வௌ்ளையடித்த மீத சுண்ணாம்பை பத்திரமாக எடுத்து வைத்து  பொங்கல் அடுப்புகளை வௌ்ளையடிக்க வைத்துக் கொள்வர்.         சிலரின் வீடுகளில் ( குறிப்பாக திருமணப் பருவத்தில் இருக்கும் பெண் பிள்ளைகள் இருக்கும் வீட்டின்) கோலங்களில் சாணி வைத்து பூசணிப் ப...