தசரா

தசரா   என்றவுடன் நமக்கு முதலில்  நி னைவுக்கு வருவது  மைசூர் அதுக்குப் பொறவு நம்ம குலசேகரப்பட்டினம்

அதேபோல விமரிசையாக நெல்லை டவுண் மற்றும் பாளை சுற்றுவட்டாரங்களிலும் கொண்டாடப்படுவது பலர் அறிந்திராததாகும்.

நெல்லை டவுணில் 15 சப்பரங்கள் அணிவகுப்பும் , பாளையில் 12 சப்பரங்களின் அணிவகுப்பும் நடைபெறுவது வழக்கம். இத்தனை சப்பரங்கள் ஒரே இடத்தில் அணிவகுப்பது வேறெங்குமில்லாதது ஆகும். 

           தசரா விழாவைப் பற்றி எங்க எதித்த வீட்டு சங்கர் மாமா கூறியதை தங்களிடம் கூறுகிறேன்

அக்காலத்தில்  இப்போது உள்ளது போலில்லாமல் வெகு விமரிசையாக தசரா கொண்டாடப்படுமாம்.8ம் திருவிழாவின் போது பூம்பல்லாக்குகளின் அணிவகுப்பும் நடைபெறுமாம்.
தசரா அன்று இடம்பெறும் சப்பர அணிவகுப்பே ஒரு போட்டி போல தான். ஒவ்வொரு கோயில் சப்பரமும் அதுக்கு போட்டியாக இது, இதுக்கு போட்டியாக அது என்று சொல்லத்தக்க  வகையில் வடிவமைக்கப்பட்டிருக்கும். ஒலி ஔி அமைப்பு ஏற்பாடு செய்யும் சீரியல் செட்டுக்காரர்கள்  தங்களுடைய தொழில் போட்டியையும்  திறமையையும் வௌிப்படுத்தும் களமெனவே எண்ணி செட்டு போடுவார்களாம்.இன்றும் அது  தொடர்கிறது. சப்பரங்கள் அந்தந்த சமுதாயத்தின் செல்வாக்கை வௌிப்படுத்துபவையாக இருக்கிறது.  அது போல ஒவ்வொரு சப்பரங்களுக்கு பின்னும் அந்தந்த சமுதாயத்தவர்கள் தங்களுடைய வீரப்பிராதாபங்களைக் காட்டி வருவராம்.அதாம்யா சிலம்பு, மான் கொம்பு  போன்ற வீரவிளையாட்டுகளில் ஈடுபட்டு  போட்டி போடுவராம்,  தெருவில் இருப்பவர்களையும் அழைத்து இது போன்றவற்றில் ஈடுபடுத்துவராம்.பின்னாடி இதுவே பிரச்சனையாயிட்டு என்பதால் நிப்பாட்டி விட்டார்களாம்.

          இப்போ அமைதியாக இல்ல இல்ல மேள தாளத்தோடு அதிர்வேட்டு முழங்க திருவிழா மட்டும் சீராக நடைபெறுகிறது. அந்த  பழைய உற்சாகம் மட்டும் இல்லை.
          சப்பரம் மற்றும் சீரியல் செட்டு அலங்காரம், அம்மன் உருவ அலங்காரம்லா  நம்மூர மாரி எங்கயும் வராதுலே..
          எனினும் இந்த வருடம் தசரா பார்க்க முடியாத மெட்ராஸ், பெங்களூரு மற்றும் இதர ஊர்களில் இருக்கும் நம்மூர்க்காரர்களுக்காக தசரா படங்கள் இதோ

















Comments

Post a Comment

Popular posts from this blog

ஊடலும் ஊடல் நிமித்தமும்

Image
ஊடலும் ஊடல் நிமித்தமும் .....     சங்க காலத்தில் இருந்த ஐவகை நிலப் பாகுபாட்டில் மருத நிலத்தின் உரிப்பொருள் "ஊடலும் ஊடல் நிமித்தமும் ".  தற்போதும் வழக்கத்தில் இருக்கும் ஒரு சடங்காக   இல்லையெனில் திருவிழாவின் ஒரு அங்கமாக இன்றும் இந்த உரிப்பொருளை நினைவு படுத்தும் வகையில்  ஒரு நிகழ்வை நான் கண்டதும் அதைப் பற்றி எழுத வேண்டுமென்று தோன்றியது ...அதனால் ..     ஊடல் என்பது பிணக்கிக்கொள்ளும்  ஒருவகை நடத்தைப்  பாங்கு .இது உளவியல் அடிப்படையில் தோன்றுகிறது. மேலைநாட்டு நடத்தை அறிவியல் இதனைப் பல்வேறு கோணங்களில் பகுத்தாய்கிறது.நடத்தையியல் மேலைநாடுகளில் 19 ஆம் நூற்றாண்டில் உருவானது. தமிழில் இந்த அறிவு கிறித்துவுக்கு முன்பே தோன்றி வளர்ந்துள்ளது.தொல்காப்பியர் இதனை மெய்ப்பாட்டியல் என்னும் தலைப்பின் கீழ் விளக்கியுள்ளார். உடலுறவு வாழ்க்கையில் ஊடல் இன்பம் தரும். எப்போது எனில் அந்த ஊடுதல் கூடித் தழுவுவதில் முடியவேண்டும்.   திருக்குறள்  - 'ஊடல்' பாங்கினை துனி, புலவி என்னும் சொற்களால் வேறுபடுத்திக் காட்டுகிறது. இதன் வழியே பா...
Read more

தண்பொருநை தொடர் -1

Image
 'தன் பொருநை’, ‘பொருநை’, 'தன்பொருநல்’, ‘வண்பொருநல்’, 'தண்பொருத்தம்',  'தண்பொருநை', 'தாமிரபரணி' , 'தாம்பரபரணி', தாமிரவருணி எனப் பலப்பலப் பெயர்களால் அழைக்கப்படும்  எம் அன்னை தாமிரபரணி தாயவளைப் பற்றி எழுத வேண்டும் என்பது நீண்ட நெடுநாளைய விருப்பம். இப்போது நனவில். தாமிரபரணி -  தமிழகத்தில் பிறந்து தமிழகத்திலேயே கடலில் கலக்கும் வற்றாத அரிய நதி. தமிழர்களின் உணர்வுடன் கலந்துவிட்ட ஜீவ நதி. திருநெல்வேலி, தூத்துக்குடி மக்களின் வாழ்வோடு பிணைந்துவிட்ட தாய் நதி. நதியின் ஒவ்வொரு துளியிலும் வழிகிறது அன்பு. நதியில் கை நனைக்காமல் ஒருநாளையும் தொடங்குவதில்லை அந்த மக்கள். உலகமே சுற்றி வந்தாலும் ஊர் தண்ணீரை குடித்தால்தான் தாகம் தணிகிறது அவர்களுக்கு. உலகப் புகழ் பெற்ற இருட்டுக்கடை அல்வா தொடங்கி பத்தமடை பாய் வரை தாமிரபரணி தண்ணீர் இல்லாமல் சாத்தியம் இல்லை. தாமிரம் கலந்த தாமிரபரணியின் தண்ணீருக்கு தனித்தன்மை இருக்கிறது என்பது அறிவியல்பூர்வமான உண்மை. இன்றைக்கும் தாமிரபரணியின் தண்ணீரை வெளியூர்களுக்கு வரவழைத்து அல்வாவும் பிரியாணியும் தயாரிக்கும் உணவுக் கடைகளே அதற்க...
Read more

முகைத்தீன் ஆண்டவர்கள் பள்ளிவாசல்

Image
"வேய்  தூங்குறீரா… எறங்கும். பொட்டல்புதூர் வந்தாச்சு வேய்… ‘- கண்டக்டர் உசுப்ப, தட தடவென கீழே இறங்குகிறேன்.  எதிரிலேயே பள்ளிவாசல். அண்ணாந்து பார்க்கிறேன். பார்வை போகுந்தூரம் வளர்ந்தவாறு மேலே மேலே போயிற்று பள்ளிவாசல் மினாரா. மெல்ல நடக்கிறேன். புறாக்கள் முகத்துக்கு நேரே மறிப்பது போல, மாறி மாறிச் சிறகடிக்கின்றன. படி தாண்டி, பள்ளிவாசலுக்கு உள்ளே, கல்தரையில் கால்வைக்க, ‘சுரீல் ‘ என ஏதோ ஒன்று, கால்நுனிவழியே மேலேறி, கபாலத்தை தாக்கிற்று. பள்ளிவாசலில், தலை தாழ, கூனிக் குறுகியபடி. மனித உருவங்கள் ஆங்காங்கே திட்டுதிட்டாய் உறைந்து கிடக்கின்றன. எத்தனையோ மனிதர்களின் உள்மன ரகஸ்யங்களை, அல்லற்பட்டு ஆற்றாது அழுத கண்ணீர்க் கதைகளை, குற்ற உணர்வில் குமைந்து சிதறிய   பெருமூச்சுக்களை எல்லாம்-  காலா காலமாய் உறிஞ்சி உள்வாங்கி, பள்ளிவாசல் இருளோடு கலந்து, ஸ்தம்பித்து நின்ற காற்று, மெல்ல அசைகிறது. அ.. என்ன இது..? என் தலையைச் சுற்றிச் சுற்றியே ஹூ ஹூ வென் ஓலமிடுகிறதே.. ஊழிக்காற்றா இது..?  உள் பள்ளி வாசலில் எரிந்து கொண்டிருந்த விளக்கின் சுடரை, பார்வை எதேச்சையாய்த் தொட- ஐயோ… ஐயோ.. தீ ஜு...
Read more