டப்பா

'ஏலேய் அந்த டப்பாவ எடு' என்று ஆச்சி கூப்பிட்டதும் ஓடியாந்தேன்.
'ரெண்டு துண்டு கருப்பட்டியும் கொஞ்சம் அடியொட்டிய தூளுமா கிடந்தது'. அந்தப் டப்பாவ மட்டும் ஆச்சி பத்திரமா வைத்திருந்தாள். ஏதோ தன் அப்பன் வீட்டு சீதனம் போல. அதை எடுத்தாலே ஏச்சு விழுந்துரும். அப்படி இருக்கையில் என்னக் கூப்பிட்டு எடுக்கச் சொன்னது ஆச்சரியம் தான்.
எடுத்துக் கொண்டு வரும்போதே ரெண்டிலே ஒரு துண்டை வாயில் போட்டு மென்று விட்டே வந்தேன்.
'யாச்சி என்ன ஒத்த துண்டு கருப்பட்டி தானே இருக்கு! இது காணுமா காப்பி போட?' என்று கேட்டேன்.
'சிரிச்சுக்கிட்டே, ஒன்ன நீ தின்னிட்டு இப்ப ஏங்கிட்ட ஒன்னும் தெரியாத மாரி நடிச்சா நம்பீருவனோ!' - 'அதுலாம் போடலாம்' என்றபடியே காதை ஒரு திருவு திருவினாள்.
ஒத்த துண்டு கருப்பட்டியில் போட்டதாயிருந்தாலும் நன்றாகத் தானிருந்தது அன்னைக்கு ஆச்சி போட்டுத் தந்த கருப்பட்டிக் காப்பி.
****
'வெளிய போனவுக எல்லாம் உள்ள வரும்முன்ன கால அலசிட்டு வரனும்யா. திரும்பி பார்க்காம வரனும் இன்னா! சொன்னது கேக்கா?' என்று அதட்டுப் போட்டாள் மூத்த அத்தை மூக்கம்மா. எல்லோரும் கால்கழுவி உள்ளே சென்று கொண்டிருந்தார்கள். நானும் கழுவப் போனேன்.

'இல்லத்தே! அந்த டப்பாவ ஆச்சி எவ்ளோ பத்திரமா வச்சிருந்தா தெரியுமா? என்ட்ட கூட தரமாட்டா. ஆனா இன்னக்கி அது கால் கழுவல்லா கெடக்கு!' என்று சொல்லிக் கொண்டிருந்தபோதே 'ஏலேய், யான் அழுவுத? அதுதாம் எல்லாம் முடிஞ்சிட்டுல்லா' என்று என்னை ஆற்றித் தேற்றிக்கொண்டிருந்தாள் அத்தை. கால்கழுவ கிடந்த டப்பா மறுநாள் குப்பையில் வீசப்பட்டுக்கிடந்தது.

Comments

Post a Comment

Popular posts from this blog

ஊடலும் ஊடல் நிமித்தமும்

Image
ஊடலும் ஊடல் நிமித்தமும் .....     சங்க காலத்தில் இருந்த ஐவகை நிலப் பாகுபாட்டில் மருத நிலத்தின் உரிப்பொருள் "ஊடலும் ஊடல் நிமித்தமும் ".  தற்போதும் வழக்கத்தில் இருக்கும் ஒரு சடங்காக   இல்லையெனில் திருவிழாவின் ஒரு அங்கமாக இன்றும் இந்த உரிப்பொருளை நினைவு படுத்தும் வகையில்  ஒரு நிகழ்வை நான் கண்டதும் அதைப் பற்றி எழுத வேண்டுமென்று தோன்றியது ...அதனால் ..     ஊடல் என்பது பிணக்கிக்கொள்ளும்  ஒருவகை நடத்தைப்  பாங்கு .இது உளவியல் அடிப்படையில் தோன்றுகிறது. மேலைநாட்டு நடத்தை அறிவியல் இதனைப் பல்வேறு கோணங்களில் பகுத்தாய்கிறது.நடத்தையியல் மேலைநாடுகளில் 19 ஆம் நூற்றாண்டில் உருவானது. தமிழில் இந்த அறிவு கிறித்துவுக்கு முன்பே தோன்றி வளர்ந்துள்ளது.தொல்காப்பியர் இதனை மெய்ப்பாட்டியல் என்னும் தலைப்பின் கீழ் விளக்கியுள்ளார். உடலுறவு வாழ்க்கையில் ஊடல் இன்பம் தரும். எப்போது எனில் அந்த ஊடுதல் கூடித் தழுவுவதில் முடியவேண்டும்.   திருக்குறள்  - 'ஊடல்' பாங்கினை துனி, புலவி என்னும் சொற்களால் வேறுபடுத்திக் காட்டுகிறது. இதன் வழியே பா...
Read more

தண்பொருநை தொடர் -1

Image
 'தன் பொருநை’, ‘பொருநை’, 'தன்பொருநல்’, ‘வண்பொருநல்’, 'தண்பொருத்தம்',  'தண்பொருநை', 'தாமிரபரணி' , 'தாம்பரபரணி', தாமிரவருணி எனப் பலப்பலப் பெயர்களால் அழைக்கப்படும்  எம் அன்னை தாமிரபரணி தாயவளைப் பற்றி எழுத வேண்டும் என்பது நீண்ட நெடுநாளைய விருப்பம். இப்போது நனவில். தாமிரபரணி -  தமிழகத்தில் பிறந்து தமிழகத்திலேயே கடலில் கலக்கும் வற்றாத அரிய நதி. தமிழர்களின் உணர்வுடன் கலந்துவிட்ட ஜீவ நதி. திருநெல்வேலி, தூத்துக்குடி மக்களின் வாழ்வோடு பிணைந்துவிட்ட தாய் நதி. நதியின் ஒவ்வொரு துளியிலும் வழிகிறது அன்பு. நதியில் கை நனைக்காமல் ஒருநாளையும் தொடங்குவதில்லை அந்த மக்கள். உலகமே சுற்றி வந்தாலும் ஊர் தண்ணீரை குடித்தால்தான் தாகம் தணிகிறது அவர்களுக்கு. உலகப் புகழ் பெற்ற இருட்டுக்கடை அல்வா தொடங்கி பத்தமடை பாய் வரை தாமிரபரணி தண்ணீர் இல்லாமல் சாத்தியம் இல்லை. தாமிரம் கலந்த தாமிரபரணியின் தண்ணீருக்கு தனித்தன்மை இருக்கிறது என்பது அறிவியல்பூர்வமான உண்மை. இன்றைக்கும் தாமிரபரணியின் தண்ணீரை வெளியூர்களுக்கு வரவழைத்து அல்வாவும் பிரியாணியும் தயாரிக்கும் உணவுக் கடைகளே அதற்க...
Read more

முகைத்தீன் ஆண்டவர்கள் பள்ளிவாசல்

Image
"வேய்  தூங்குறீரா… எறங்கும். பொட்டல்புதூர் வந்தாச்சு வேய்… ‘- கண்டக்டர் உசுப்ப, தட தடவென கீழே இறங்குகிறேன்.  எதிரிலேயே பள்ளிவாசல். அண்ணாந்து பார்க்கிறேன். பார்வை போகுந்தூரம் வளர்ந்தவாறு மேலே மேலே போயிற்று பள்ளிவாசல் மினாரா. மெல்ல நடக்கிறேன். புறாக்கள் முகத்துக்கு நேரே மறிப்பது போல, மாறி மாறிச் சிறகடிக்கின்றன. படி தாண்டி, பள்ளிவாசலுக்கு உள்ளே, கல்தரையில் கால்வைக்க, ‘சுரீல் ‘ என ஏதோ ஒன்று, கால்நுனிவழியே மேலேறி, கபாலத்தை தாக்கிற்று. பள்ளிவாசலில், தலை தாழ, கூனிக் குறுகியபடி. மனித உருவங்கள் ஆங்காங்கே திட்டுதிட்டாய் உறைந்து கிடக்கின்றன. எத்தனையோ மனிதர்களின் உள்மன ரகஸ்யங்களை, அல்லற்பட்டு ஆற்றாது அழுத கண்ணீர்க் கதைகளை, குற்ற உணர்வில் குமைந்து சிதறிய   பெருமூச்சுக்களை எல்லாம்-  காலா காலமாய் உறிஞ்சி உள்வாங்கி, பள்ளிவாசல் இருளோடு கலந்து, ஸ்தம்பித்து நின்ற காற்று, மெல்ல அசைகிறது. அ.. என்ன இது..? என் தலையைச் சுற்றிச் சுற்றியே ஹூ ஹூ வென் ஓலமிடுகிறதே.. ஊழிக்காற்றா இது..?  உள் பள்ளி வாசலில் எரிந்து கொண்டிருந்த விளக்கின் சுடரை, பார்வை எதேச்சையாய்த் தொட- ஐயோ… ஐயோ.. தீ ஜு...
Read more